Жұмыс уақыты
с 8-17:00
Алматы қ.
Папанин, 220
+7 (727) 300-36-04

Аурухананың тарихы

№4 Қалалық клиникалық ауруханасының қалыптасу тарихы

№4 Қалалық клиникалық ауруханасы тарихының түп-тамыры сонау қиын-қыстау 40-шы жылдардан басталады. Бұл Қазақстанда мыңдаған адамдардың өмірін алып кеткен іш сүзегі, бөртпе сүзектері, паразиттер, безгек, дифтерия мен табиғи шешек сияқты ауыр жұқпалы аурулардың кең тараған уақыты болатын.

Алма-Аты Денсаулық сақтау бөлімінің 1941 жылғы 20 желтоқсандағы №264 бұйрығының 4-тармағына сәйкес 1941 жылы 20 желтоқсанда аталған аймақта алғаш рет «№8 жұқпалы аурулар ауруханасы» құрылды. Качанович ауданының бұрынғы №22 мектебінде орналасқан, жалпы алғанда қуаттылығы 200 төсек орынға арналған аурухана. Соның ішінде атап айтқанда, 80 төсек-орын – бөртпе-сүзек ауруларына, 40 төсек-орын – ішсүзек ауруларына, тағы оқшауланған 80 төсек-орын – қызба ауруларымен науқастанған поезд жолаушыларына (ересек және балаларға) арналған.

Аурухана ашылған кезде штат бойынша 2 дәрігер, 6 ординатор дәрігері, 8 мейірбике, 4 санитар, 1 бухгалтер, 1 статист-іс жүргізуші, 1 шаруа-бике, бір аспаз болды. Жалақы мөлшері Каганович аудандық кеңесінің еңбекші депутаттарының 1941 жылғы 18 желтоқсандағы шешімімен бекітілді.

№4 ҚКА бас дәрігерлері:

Алматы Денсаулық сақтау бөлімінің 1941 жылғы 19 желтоқсандағы №254 бұйрығы негізінде аурухананың алғашқы бас дәрігері болып Мариям Липовна Рудина тағайындалды.

Кейін мына келесі дәрігерлер аурухананы басқарып, қызмет етті:

2018 жылдың сәуірінен бастап Қанат Марденович Тезекбаев бас дәрігер лауазымына тағайындалды.

Алма-Ата қаласының еңбекші депутаттар Кеңесінің атқару комитетінің 1950 жылғы 08 наурыздағы шешімі негізінде, КСРО Министрлер Кеңесінің 1949 жылғы 31 қазандағы «Денсаулық сақтаудың бірыңғай номенклатурасын белгілеу және реттеу жүйесі туралы» Қаулысына сәйкес Алма-Аты бойынша Денсаулық сақтау бөлімінің 1950 жылғы 01 сәуірдегі № 67 бұйрығы негізінде «№8 жұқпалы аурулар ауруханасы» балалар мен әйелдер консультациясы және сүт (асханасы) тарату пунктімен бірге №7 амбулатория біріктірілді, № 4 Қалалық ауруханасы болып аты өзгерді. Мынадай бөлімшелер анықталып, келесі бейінді төсек-орындар белгіленді:

  1. 1. Туберкулезді -60;
  2. 2. Жұқпалы аурулар -40;
  3. 3. Босану -30;
  4. 4. Балалар -25;
  5. 5. Терапиялық -45.

Оған «№ 8 Қалалық жұқпалы аурулар ауруханасы» мен «№4 Қалалық ауруханасының» 1950 жылғы бұйрықтар кітабындағы мұрағаттық материалдардың жазбалары дәлел болады.

Аурухана құрамында өзінің зертханасы, рентген-кабинеті және емханасы жұмыс істеді. Қызметкерлердің жалпы саны -118, олардың ішінде 26 дәрігер, ал орта медициналық қызметкерлер мен акушерлер -57 адам болды.

1970 жылы Бауман тоғайы жанында 500 төсекке арналған ең алғашқы емдеу мекемесі сол кездегі емдеу стационарларының архитектуралық стандарттарына сәйкес салынды. Бастапқы кезде ауруханада 200 төсек-орынға және ауысымына 150 келіп-кетушілерге арналған жүйеде қызмет етті. Екі жыл өткен соң 1972 жылы тікелей кафедра меңгерушісі профессор К.А.Польговтың қатысуымен Алма-аты мемлекеттік медицина институтының ортопедия және травматология кафедрасы ашылғаннан кейін бұл емханаға Қалалық клиникалық аурухана мәртебесі берілді. Клиникада қызмет ету жүйесі бірінші күннен бастап жедел жарақат, қосарланған жарақат, асқынған жарақат, термиялық жарақат және ортопедия бөлімшелері болып бөлінді.

№4 Қалалық клиникалық ауруханасы 430 төсек-орынға арналған жедел жарақат, қосарланған жарақат, асқынған жарақат, термиялық жарақат, ортопедия, терапия, неврология, ақылы перзетхана және (сәулелі диагностика бөлімшесі, экстракорпоралдық уытсыздандыру бөлімшесі, зертхана, физиоемдеу, гипербариялық оттектендіру) бөлімшелері бар «№4 Қалалық клиникалық ауруханасы» мемлекеттік қазыналық кәсіпорыны болып қайта құрылды. 2007 жылдың қаңтарынан бастап №4 ҚКА-да қосымша жедел гинекология, жалпы, іріңді хирургия және урология бөлімшелері ашылды. 2011 жылдың 01 қаңтарынан бастап «№4 Қалалық клиникалық ауруханасы» шаруашылық жүргізу құқығындағы МКК болды.

Аурухана көп жылдар бойы С.Д.Асфендияров атындағы Қазақ Ұлттық Медицина университеті және Қазақстан-Ресей медицина университеті кафедраларының оқу-клиникалық базасы, сондай-ақ қалалық, республикалық медицина колледждерінің оқу-клиникалық базасы болып табылады.

Осы ауруханада 2016 жылдан бастап ҚРМУ–нің ішкі аурулардың визуалды диагностикасы департаменті және клиникалық фармокология кафедрасы белсенді жұмыс істейді.

ҚР Н.Назарбаевтың «100 мектеп, 100 аурухана» бағдарламасы бойынша 2012 жылдың сәуір айында алаңы 42.000 ш.м. құрайтын аурухананың жаңа ғимараты пайдалануға берілді.

№4 Қалалық клиникалық ауруханасы клиникалық негізгі бағыттары бойынша емдеу мен диагностиканың үздік дәстүрлерімен қатар, тәлімгерлік мәселелерінде, жастарды тәрбиелеу мен оқытудың озық әдістерін сақтаушы және одан әрі дамытушы болып табылады.

Ауруханың алғашқы дәрігерлері медицинаға адал қызмет ету, науқастарға мүмкіндігінше жанашырлық мейіріммен қарау, үнемі кәсіби өзін-өзі жетілдіру қағидаларының негізін қалаған. Осы клиниканың медицина қызметкерлерінің жұмысына тән адамгершілік, қайырымдылық, мейірімділік, ізгілік секілді ерекшеліктерін атап айтуымызға болады. Сонымен қатар жалпы клиниканың көп жылдық жұмысы медицина қызметкерлерінің осы қағидаларды берік ұстауымен және де адал қызмет етуімен дәлел бола алады.

Алматы
Папанин, 220
+7 (727) 300-36-04 Қоңырауды сұрау